Aug 4, 2013

ఒక్కరున్న నేమి?

మొన్నా మధ్యన,
 ఈ దారినే కదా వంటరిగా నడిచెళ్ళింది.
మండుటెండ.
ఒట్టి మేఘమైనా ఇటు సాగిందా?
వడగాడ్పు ఈడ్చికొట్టింది కదా?
గరిక పూచైనా కంటపడిందా?
నెర్రెలుబారిన నేల . అర్రులు చాస్తున్న భూమి.

అలా రోహిణి కార్తె ముగిసిందో లేదో ..మొదటి మెరుపు  మెరిసిందో లేదో...
తొలి ఉరుము ఉరిమిందో లేదో .. ఏరువాక కారుమబ్బు సాగిందో లేదో..

పిడికిడు వడగళ్ళతో బాటు చిటి చిటి చినుకులు నాలుగు అలా నేలను పలకరించడం ఆలస్యం.
భూమి బుర బురా పొంగినట్లు ..పుడమి  పులకరించినట్లు..
కమ్మటి వాసలతో పాటు ... చెంగున పైకి లేచింది ఈ నునులేత పూకాడ.
చూస్తుండగానే .. విప్పారుతూ కన్నుల పండువగా విరబూసింది.పచ్చటి ఆకుల పొత్తిళ్ళ నడుమ.

ఎర్రటి ఎండ రంగును దిద్దుకొని . ఇంద్రచాపాలని వెంటబెట్టుకొని.
ఆశ్చర్యంగా.అపురూపంగా.అద్బుతంగా.

అచ్చంగా అదాటున పక్కన నిలిచి,వెన్నుతట్టే  పలకరించే నేస్తంలా.
ఆదమరిచిన వేళ .ఆపదవేళ.

నేనున్నాను లెమ్మంటూ.

వంకర దారులు పట్టకుండా,
చెవినులిమే మంచినేస్తం ఒక్కరున్న నేమి?

మిత్రకోటికి శతకోటి వందనాలు.

స్నేహితుల రోజు శుభాకాంక్షలు.
***
మా బళ్ళో 
మే ఫ్లవర్ పూచింది చూచారా?
***
ప్రభవ  పిన్నాపెద్దలు!
****
భల్లే భల్లే !!!
http://prabhavabooks.blogspot.in/
http://www.prabhavaschool.com/#!home/c1ngg
***
All rights @ writer. Title,labels, postings and related copyright reserved.

2 comments:

  1. Ammaa- Bhasha,Bhavam ee kavitha lo chelimi chesi- kanuvindu chesaayi --abhinandanalu-- Maa American Mitrudu William S Oakes okasaari naaku pampina Greetings lonidi ee sandesham: "To All Humanity Precious is The Gift of Friendship."--

    ReplyDelete
  2. Beautiful.

    ప్రకృతి ప్రతిబింబం గా స్నేహాన్ని చిత్రీకరించడం అద్భుతంగా ఉంది

    ReplyDelete

బుద్ధుడిమాట ఈ పూట