Jul 7, 2010

తడిచిన మొగ్గల్లా


.


తడిచిన పూలు
ఎంత బద్దకిస్తున్నాయో.

విచ్చుకోను 
మొరాయిస్తూ
ముద్దముద్దగా



ఆకుల పొత్తిళ్ళలోకి
ముడుచుకొంటూ
ముద్దుముద్దుగా


అద్దీఅద్దని
పుప్పొడిగా 
ఆరీఆరనీ ఆ వొయ్యారాన్నీ 

చినుకు చినుకుగా 
వణికిపోతూ 
తడితడిగా



 అమ్మకుచ్చిళ్ళ వెచ్చదనాన్ని 
 తడిమిచూస్తూ 

 గారాం పోతూ 
మారాం చేస్తూ
చూడండీ...

తడిచిన మొగ్గల్లా..
ఆకుల పొత్తిళ్ళలో ఒదొగొదిగి..
ఆదమరవగలిగిన ఆ హాయి 
ఎంత ముగ్దమనోహరమో కదా!
***


ఒక పూటకి పనిమానేసి 
నిండారా..
ముసుగుపెట్టేస్తే ..!!!
మెత్తని పక్కలో ఒత్తిగిల్లి
 వెచ్చటి  కలల్లో తేలిపోతే !!!
***
బానే ఉంటుంది.
అందుకేగా,
బంద్ ప్రకటించింది!
***

3 comments:

  1. chala baga raSaramDi, nice one

    ReplyDelete
  2. ధన్యవాదాలండి.

    ReplyDelete
  3. varsha kaalamlO poola,moggala gurinchi baagaa vraasarandi.
    - chalasani srinivas

    ReplyDelete

బుద్ధుడిమాట ఈ పూట