Apr 16, 2010

పరీక్షలండీ బాబూ ..పరీక్షలు !

ఏమాటకు ఆ మాట చెప్పుకోవాలి.
సాహిత్యంలో పరీక్షంటే ,
భలే ఉంటుంది.

ఏదో ప్రశ్నలూ జవాబులూ రాస్తున్నట్లుగా తోచదు.వీటిని దిద్ది మార్కులు వేస్తారనీ అనిపించదు.
ఎవరికో ఏకబిగిన ఉపన్యాసం దంచేస్తున్నట్లు, ఎవరితోనో వాదోపవాదాలకు దిగినట్లు,  తీరికగా తోచిన ఓ కథనో నవలనో నెమరు వేసుకున్నట్లు..అనిపిస్తుంది.
మొదలు పెట్టామా ,మళ్ళీ  ఇన్విజిలేటర్ వచ్చి..దారం ముడేయ్యండి ..అని హెచ్చరించే వరకు, హాయిగా .. ఓ అక్షరవిహారం చేసేసి రావచ్చు.

ఫలానా ప్రముఖ రచయిత ఎత్తిన కలం దించ కుండా దంచేస్తాడు అని అంటూ ఉంటారే , అదేమో కానీ, ఓ మోస్తారుగా అచ్చం అలాగే, ఎత్తిన కలం దించకుండా, వొంచిన తల ఎత్తకుండా ..ఇచ్చిన కాగితాలు నలుపు చేసి...దారం ముడేసి.. నిలువుగా మడతేసి..అయ్యవారికి అప్పజెప్పేసి..గాలిలో తేలుతూ ..పరీక్ష గదిలోంచి బయటకు కులాసాగా రావచ్చు.కాదు మరీ.
ఈ సౌకర్యం .. మాబోటి సాహిత్యవిద్యార్థులకే సుమండీ..అంటే మీకు అసూయ కలుగుతుందేమో.
అప్పుడప్పుడు.. రచయిత జీవిత చరిత్ర గట్రాలు , తారీఖులు దస్తావేజులు ..లాంటి బూజుదులిపే కార్యక్రమం ,
ఫలానా పెద్ద మనిషి అలా అన్నాడు అని అక్షరం పొల్లు పోకుండా రాయగలగడం ..లాంటి కష్టాలు మాకూ ఉంటాయ్. మేం చెప్పుకోను నామోషి పడతాం కానీ!
తప్పించి మిగిలినదంతా... మన సొంత కథ రాసుకున్నంత సుఖం గా రాసుకోవచ్చంటే నమ్మండి.

ఏ పత్రిక్కో ,  ఓహో ..  బ్రహ్మాండం! ఆహా... పరమచెత్త! అంటూ ఎడతెగని ఉత్తరాలు రాసే వారిలా రాసేసి, ఊపిరి పీల్చుకోవచ్చు కూడాను. మనలను ఎవరాపుతారు గనుక!
పాపం దిద్దేవారు.ప్చ్!

దాదాపు పద్దెనిమిదేళ్ళవుతుంది.
నా ఆఖరు పరీక్ష రాసి.
రాయడం వరకూ మన ధర్మం.ఆ పై , దిద్దేవారి ఖర్మం ..సారీ,దయాధర్మం ..
ఏ మూలో .నా పరీక్షాపత్రం దిద్దే వారి కాస్త కష్టాలకు దిగులు పడుతూ..అనుకున్నామో అప్పుడు ..నాకు సరిగ్గా గుర్తు లేదు.వారు మంచి వారు కనుక , నా అక్షరాలను శ్రద్దగా చదివి , బోలెడన్ని మార్కులు ఇచ్చారు. నేను బుద్ధిగా బీరువాలో దాచి పెట్టుకున్నా.

అవన్నీ , అప్పటి సంగతులు.
ఈ నడుమ ,మళ్ళీ పరీక్ష రాయాల్సి వచ్చింది.
అదీ ,సాహిత్యం లోనే.
*
ఆ విశేషాలు మళ్ళీ చెపుతా.అంత వరకు విరామం.
*
ఉండనా మరి?

All rights @ writer.
Title,labels, postings and related copyright reserved.

4 comments:

  1. మురళి గారు, థ్యాంక్సండీ.
    పరీక్ష పూర్తయ్యింది. ఆ వివరాలు పంచుకోవడానికే,విరామం.

    ReplyDelete
  2. చంద్రా ,
    ఏది రాసిన అలవోకగా ,ఆహ్లాదకరంగా రాయగల రచయిత్రి మీరు!మీ పేపర్లు దిద్దేవారికి అదో సాహితీ వన విహారమే.సురభిళ సుమ సౌరభాల మధ్య సరదాగా షికారుకి వెళ్తూంటే వద్దనుకున్నా 'వహ్వా' అనకుండా ఎవరుండ గలరు?
    నాగలక్ష్మి

    ReplyDelete
  3. అహ్హ..హ్హ.. లేదండీ బాబు.
    ఈ సారి పరీక్ష ఒకటే .కానీ ..అదొక ఎపిసోడ్ :-))
    పాపం మా మాష్టారు !

    ReplyDelete